Concello de Oleiros

Concello de Oleiros

 
Portada » O Concello » Concellería de Servizos Sociais e Sanidade
   

NOVAS

     

Publicadas as listas das actividades ocupacionais

  Xa podes consultar as listaxes das persoas inscritas con prazas nos obradoiros de actividades ocupacionais. Recordade que a partir de mañán e ata o día 14 podedes recoller as follas de...

As actividades ocupacionais contan con prazas dispoñibles

Entre o 2 e o 4 de xaneiro estará aberto o prazo para solicitar as prazas vacantes nas distintas actividades ocupacionais organizadas polo Concello de Oleiros. As inscricións poderán realizarse a través da sede electrónica da web municipal, no apartado trámites en liña dentro da carpeta de Cidadáns/Empresas ou ben nas propias oficinas de Servizos Sociais, a partir das 10:00 horas do día 2 de xaneiro ata o 4 de xaneiro ás 12:00 horas.

O CONCELLO DE OLEIROS E O INEF POÑEN EN MARCHA UN PROXECTO PILOTO DE ACTIVIDADE FISICA ADAPTADA PARA MULLERES NUN PROCESO ONCOLOXICO

A concellería de Servizos Sociais e Sanidade do Concello de Oleiros e o Seminario de Estudos de Xénero e Ciencias da Actividade Física e o Deporte do INEF continúan a súa estreita colaboración e poñen un marcha un proxecto piloto dirixido a desenvolver unha actividade física para mulleres que pasaron o están a pasar por unha enfermedade oncolóxica. As consecuencias de padecer un cancro ten importante repercusións na saúde, no estado físico e no emocional, non solo pola dureza da enfermidade senón tamén pola agresividade dos tratamentos. O fin desta actividade é contribuír a mellorar a calidade de vida destas mulleres a través da práctica dunha actividade física, adaptada, cun triple obxectivo: ¿ Reducir os efectos secundarios dos tratamentos e que poderían cronificarse como fatiga, sofocos, trastornos do sono, alteracións na concentración e a memoria, sobrepeso, sequedade nas mucosas, linfedema e alteracións na imaxe corporal. ¿ Incrementar e mellorar a autoestima, o benestar emocional, a sexualidade e as relacións sociais. ¿ Crear un grupo de iguais no que apoiarse e afrontar as dificultades do día a día. En principio está pensada unha sesión semanal de hora e media de duración, os venres de 12:00 a 13:30 h na Facultade de Ciencias da Actividade Física e o Deporte.

OLEIROS PON EN MARCHA UN NOVO OBRADOIRO PARA PERSOAS COIDADORAS DUN FAMILIAR CON DEPENDENCIA

Un dos obxectivos da concellería de Servizos Sociais do Concello de Oleiros é mellorar a calidade de vida das persoas coidadoras a través dos grupos Descubrindo Emocións e Coidando Emocións. Estes obradoiros ofrecen un espazo de apoio terapeútico no que as persoas coidadoras poden ser apoiadas, escoitadas e comprendidas, un lugar no que se comparten emocións, preocupacións e medos similares. Unha oportunidade para facer "normais" moitas desas preocupacións e ver que son sentimentos comúns aos doutras persoas. Este obradoiro chamado Descubrindo emocións que se inicia o próximo 8 de outubro durará ata o 26 de novembro, en 8 sesións semanais de hora e media. En concreto as sesións serán os luns, de 16:30 a 18:00 h no Centro de Formación Municipal en Os Regos. As persoas interesadas en participar poden contactar cos Servizos Sociais de Oleiros a través do teléfono de atención ao veciño 981 610 000. Desenvolvese a través dunha colaboración entre o equipo técnico dos Servizos Sociais de Oleiros con profesionais da Asociación de Familiares de Alzheimer da Coruña, AFACO, entidade con ampla experiencia neste campo. Nestes grupos o obxectivo é reducir a aparición de trastornos psicolóxicos e o malestar emocional provocado pola responsabilidade de coidar. Detrás de moitos enfermos dependentes hai unha persoa moi próxima a eles volcada no seu coidado e atención que desemboca en problemas emocionais, depresións, unha visión pesimista do entorno, estrés, ansiedade... Tamén adquiren habilidades para enfrontarse a eses problemas e voltar a desfrutar a vida sen deixar de atender e coidar so seus seres queridos

O LUNS ABRE O PRAZO PARA INSCRIBIRSE NUNS OBRADOIROS DE DISCIPLINA POSITIVA DIRIXIDO ÁS FAMILIAS DE OLEIROS

O luns 24 de setembro ábrese o prazo de inscrición para dous obradoiros de Disciplina Positiva dirixidos ás familias de Oleiros con menores entre 0 e 12 anos de idade organizados pola concellería de Servizos Sociais. Estes obradoiros están baseados nos principios da Disciplina Positiva, que desterran os métodos de condicionamento da conduta (castigos e premios) e dan as claves para ensinar ás nenas e aos nenos a desenvolver as súas propias habilidades en base ás súas decisións, guiadas/os sempre pola supervisión da persoa adulta. Trátase de que pensen por si mesmos e axudalos a ir construíndo o seu propio criterio, favorecendo a convivencia e creando un clima agradable e de confianza na familia. Cada un dos obradoiro terá unha duración de 16 horas, en 8 sesións de 2 horas cada unha. Serán en horario de tarde, ao longo do mes de outubro e desenvolveranse na Casa de Cultura de Perillo os seguintes días: ¿ Obradoiro 1 (familias con menores de 0-6 anos de idade): luns e mércores, 1, 3, 8, 10, 15, 17, 22 e 24 de outubro. ¿ Obradoiro 2 (familias con menores de 7-12 anos de idade): martes e xoves, 2, 4, 9, 11, 16, 18, 23 e 25 de outubro. As inscricións serán a través da web municipal www.oleiros.org, na sede electrónica, no apartado cidadáns e empresas, en trámites on line, a partir das 10:00 h do luns 24 de setembro e ata o xoves 27 de setembro ás 23:00 h. As prazas adxudicaranse por orde de inscrición. O número de prazas por obradoiro é de 20 persoas.

   

DESTACADOS

     
« Atrás

INICIANSE AS ACTIVIDADES DE ENVELLECEMENTO ACTIVO DE OLEIROS CON MAIS DE 550 PERSOAS PARTICIPANTES

 

O Programa de Envellecemento Activo da concellería de Servizos Sociais do Concello de Oleiros ten diversas intervencións encamiñadas ao mantemento dunha vida activa e plena da poboación maior de 60 anos. Dentro deste programa realizanse as ACTIVIDADES 60+: un amplo abanico de actividades dirixida a mellorar a condición física, social e cognitiva das persoas ao chegar esa etapa da vida.
 
As actividades deste programa desenvólvense en tres áreas de intervención:
 
·         Talleres de ximnasia: exercizos de equilibrio, coordinación, axilidade, flexibilidade, forza, resistencia e velocidade…dirixidos a manter unha condición física que proporcione autonomía na vida diaria
 
·         Talleres de ioga e relaxación: preparación corporal, posturas de ioga, exercizos respiratorios, expresión corporal, flexibilidade, eliminación de tensións... co obxectivo de manter o necesario equilibrio e un maior autocoñecemento do noso corpo.
 
·         Talleres de memoria: cun dobre obxectivo de adestramento cognitivo e de recuperación da memoria histórica. Neste último programa se coordinan e dinamizan uns proxectos de intervención que baixo o nome de “Oleiros na memoria” levan a cabo as seguintes actuacións:
 
-        Equipos de investigación: formados polas persoas participantes en cada grupo que se ocupan de recoller documentación da memoria histórica, fotografías, anécdotas, lendas, vivencias, revisións bibliográficas...
 
-        Equipos “Entrevistando a memoria”: conformados por persoas seleccionadas en cada grupo que se ocupan de entrevistar nos seus domicilios a persoas usuarias do Servizo de Axuda no Fogar e que contan con capacidade para contar as súas vivencias.
 
-        Equipos do “Proxecto interxeracional”: actividade desenvolta nalgúns centros educativos de primaria polo grupo de memoria desa localidade, na que un grupo de maiores trasladan aos mais pequenos, nas propias aulas, as vivencias da súa infancia e lles contan historias relacionadas coa súa vila.
 
Entidades financiadoras
Goberno de España Comunidade Económica Europea Plan Avanza