Concello de Oleiros

Concello de Oleiros

 
Portada » O Concello » Concellería de Servizos Sociais e Sanidade
   

NOVAS

     

O CONCELLO DE OLEIROS RINDE HOMENAXE A UNHA MONITORA DAS ACTIVIDADES DE MAIORES CUN PREMIO DE FOTOGRAFIA

Premio de fotografía Ven e Descubre "Mª José Cayado" (Cheché) A concellería de Servizos Sociais do Concello de Oleiros promove a creación do Concurso de Fotografía Ven e Descubre "Mª José Cayado" (Cheché), co obxectivo de recordar a figura e servir de homenaxe a quen durante mais de 20 anos traballou por e para as persoas maiores de Oleiros en diferentes actividades e programas contribuíndo, a través do seu traballo diario cheo de vitalidade, humanidade, bo facer e sentido do humor, ao maior benestar dos maiores de Oleiros. Unha persoa chea de enerxía, positiva e loitadora, que transmitía esa forza e gañas de vivir no seu traballo diario coas persoas maiores de Oleiros, quenes a recordan con cariño, xa que en moitas ocasións foi a persoa que lles axudou a saír adiante ante momentos difíciles nas súas vidas. Con este concurso o Concello de Oleiros quere recordar a esta gran persoa que se gañou o corazón das persoas maiores de Oleiros durante todos estes anos. O ano pasado, tras unha larga enfermidade, deixou un importante vacío entre os maiores e entre os compañeiros e compañeiras dos Servizos Sociais de Oleiros, polo que desta forma, a través do concurso de fotografía, seguirá estando presente e animando á xente a seguir activa, xa que a súa forma de actuar identifícase plenamente cos valores que defende este programa. No concurso poderán participar todas as persoas que participen no programa "Ven e Descubre" de excursionismo e sendeirismo que desenvolve o Concello de Oleiros anualmente

"Sabor a historia" a nova edición do programa de excursionismo e sendeirismo "Ven e descubre"

Desde o 3 de abril as persoas maiores de 60 anos de Oleiros poden xa inscribirse no programa "Ven e descubre": un programa COÑECER, ESCOITAR, APRECIAR, DISFRUTAR E REFLEXIONAR sobre diferentes lugares da xeografía galega. Para este ano se ofrece un programa con "Sabor a historia" onde se coñeceran lugares onde aconteceron feitos da historia de Galicia de grande relevancia VEN E DESCUBRE non é un programa de paseos, e un programa de VIDA, dinámico, onde se crea un espazo para compartir. Cada visita e unha proposta de inmersión na contorna, na paisaxe, na historia, na economía, nas persoas que alí viven. E unha viaxe acompañada na que os guías provocan, suxiren e seducen para que os participantes desexen coñecer e compartir os coñecementos. Este programa que leva 21 anos funcionando convoca aos participantes a viaxar en dous formatos diferenciados. A través de rutas denominadas de "excursionismo" nas que se trasladan en autobús e realizan pequenos paseos e visitas guiadas, e a segunda opción e a denominada "sendeirismo" onde se realiza a ruta camiñando a través dun sendeirismo interpretativo.

ABERTO O PRAZO DE INSCRICIÓN PARA UN OBRADOIRO DE CRECEMENTO PERSOAL A TRAVÉS DO AUDIOVISUAL

Dentro das actividades desenvoltas polo Concello de Oleiros a través do Plan de Igualdade desenvolveuse o ano pasado unha experiencia innovadora na que se traballaban as emocións a través do audivisual. Este obradoiro desenvolto a través desta novedosa metodoloxía acadou moi bos resultados e supuxo unha mellora no benestar emocional de todas as persoas participantes ademáis dunha actividade moi gratificante, Dado o éxito da actividade, baseándose nesta forma de traballo, abrese o prazo para un novo obradoiro denominado "OBXECTIVO EU", co obxectivo de traballar as fortalezas e as debilidades, ter un maior autocoñecemento e iniciar un proceso de mellora. O proceso creativo dun audiovisual da nosa imaxe sírvenos de ferramenta para acadar o obxectivo: a mellora de cada un das persoas participantes co fin de conseguir o maior benestar posible. Divídese en dúas fases: ¿ 1ª fase: "ENFOCAMOS" do 17 de marzo ao 30 de xuño. Centrada en recoñecer aqueles aspectos que quere acadar cada persoa, o que necesita. ¿ 2ª fase: "PONTE EN ESCENA" do 15 de setembro ao 22 de decembro. Co obxectivo de chegar a ter ou ser o que se visualiza na primeira fase. A actividade vaise desenvolver os venres, en horario de 10:30 a 13:00 horas, no Centro Municipal de Formación.

O Luns 3 de abril comezan as inscricións para o programa "VEN E DESCUBRE 2017"

A partir do luns 3 de abril ábrese o prazo de inscrición para as 2.420 prazas do Programa de Excursionismo e Sendeirismo para maiores de 60 anos do Concello de Oleiros "Ven e Descubre 2017" A inscrición será por grupos en función da parroquia na que vivan as persoas que se inscriban, cada parroquia ten unhas datas determinadas para facer ese trámite. EXCURSIONISMO ¿ Grupo de Dorneda e Maianca, 3-4 de abril ¿ Grupo de Santa Cruz e Montrove, 5-6 abril ¿ Grupo de Oleiros e Iñás, 7-10 abril ¿ Grupo de Nos. 11-12 abril ¿ Grupo de Serantes e Dexo, 18-19 de abril ¿ Grupo de Perillo, 20-21 de abril SENDEIRISMO Todos os grupos de sendeirismo, 24-25 de abril As inscricións serán única a exclusivamente por teléfono e pola tarde nos días asignados a cada parroquia. As persoas interesadas deberán chamar ao teléfono de atención ao veciño do Concello de Oleiros - 981 610 000 - en horario de 16:00 a 20:00 h e facilitar o seu nome completo, DNI, data de nacemento e parada de autobús na que desexa que a recollan. Recordar que este programa está dirixido únicamente a todas as persoas maiores de 60 anos empadroadas no Concello de Oleiros.

VOLTAN AS ACTIVIDADES DO PLAN DE IGUALDADE DE OLEIROS

Mañá xoves, 25 de xaneiro, abrese o prazo de inscrición para dúas actividades que se desenvolven baixo o marco do Plan de Igualdade do Concello de Oleiros: os "Obradoiro do corpo" e o "Obradoiro de danza espello" As prazas para estes obradoiros son limitadas polo que se abre un prazo de inscrición dende mañá ata o 2 de febreiro, con posterioridade se fará un sorteo para adxudicar as prazas no suposto de haber mais solicitantes que prazas disponibles. As solicitudes poden descargarse da web municipal ou collelas en persoa nas dependencias de Servizos Sociais, posteriormente deberán presentarse no rexistro do Concello de Oleiros antes de que remate o prazo de inscrición.

Entidades financiadoras
Goberno de España Comunidade Económica Europea Plan Avanza