Concello de Oleiros

Concello de Oleiros

 
Portada » O Concello » Concellería de Servizos Sociais e Sanidade
   

NOVAS

     

O Voluntariado de Oleiros organiza a semana solidaria

O vindeiro 5 de decembro é o día do Voluntariado e dende Oleiros o grupo de voluntarios e voluntarias organizan distintos actos dirixidos a dar a coñecer toda a súa actividade, así como a potenciar algunhas das que veñen levando a cabo dende fai anos. A primeira acción será este mesmo sábado, 25 de novembro, cunha recollida durante todo o día de produtos de nadal e de limpeza no GADIS de Bastiagueiro destinados ao Banco Solidario, un proxecto que desenvolve unha intensa actividade durante todo o ano con campañas de recollidas extraordinarias e coa campaña de reparto de alimentos excedentes da Unión Europea. Un esforzo importante co que complementan as actuacións que se levan a cabo dende o Departamento de Servizos Sociais. O mércores 29 de novembro, ás 20:00 h, na Fábrica de Santa Cristina, se inaugura unha exposición de pintura por parte de Maria Rodríguez Rey, quen doará parte dos fondos recadados na dita exposición a proxectos do Voluntariado de Oleiros. O xoves 30 terá lugar a II Asemblea Xeral do Voluntariado de Oleiros, un espazo no que todas as persoas que forman parte do voluntariado debaten e analizan as actuacións desenvoltas ao longo de todo o ano 2017 e se planifican do ano seguinte. E finalmente, como remate desta semana solidaria, terá lugar o Festival do Voluntariado de Oleiros, o venres 1 de decembro, ás 19.30 h, no Auditorio da Fábrica en Santa Cristina. Un acto no que se combinará a exposición dos numerosos proxectos que se desenvolven dende o Voluntariado de Oleiros: Banco Solidario, acompañamento de persoas maiores, apoio escolar, ocio e tempo libre con persoas discapacidade...., acompañado da actuación musical da Coral Airiños de Nós e dunha sesión de narración oral a cargo de Ramiro Neyra, no que os contos tratarán dos valores nos que se apoia e sustenta o voluntariado, en definitiva, un espectáculo dirixido a toda a familia, maiores e pequenos, ao que animamos a acudir a todas as veciñas e veciños interesadas en coñecer a acción do Voluntariado de Oleiros e a pasar un bo rato.

Curso de "Manexo de tablets e móbiles para persoas maiores

  O Servizos Sociais do Concello de Oleiros organiza un curso  de   Manexo de tablets e móbiles para as persoas maiores de 60 anos . O participante conseguirá habilidades...

OLEIROS PON EN MARCHA UN OBRADOIRO PARA PERSOAS COIDADORAS

A concellería de Servizos Sociais do Concello de Oleiros leva varios anos traballando para mellorar a calidade de vida das persoas coidadoras a través dos grupos Descubrindo Emocións e Coidando Emocións. Nestes grupos o obxectivo é reducir a aparición de trastornos psicolóxicos e o malestar emocional provocado pola responsabilidade de coidar. Detrás de moitos enfermos dependentes hai unha persoa moi próxima a eles volcada no seu coidado e atención que desemboca en problemas emocionais, depresións, unha visión pesimista do entorno, estrés, ansiedade... Estes obradoiros ofrecen un espazo de apoio terapeútico no que as persoas coidadoras poden ser apoiadas, escoitadas e comprendidas, un lugar no que se comparten emocións, preocupacións e medos similares. Unha oportunidade para facer "normais" moitas desas preocupacións e ver que son sentimentos comúns aos doutras persoas. Tamén adquiren habilidades para enfrontarse a eses problemas e voltar a desfrutar a vida sen deixar de atender e coidar so seus seres queridos. Este obradoiro chamado Descubrindo emocións que se inicia o próximo 30 de outubro durará ata o 18 de decembro, en 8 sesións semanais de hora e media. As persoas interesadas en participar poden contactar cos Servizos Sociais de Oleiros a través do teléfono de atención ao veciño 981 610 000.

MAIS DE 600 PERSOAS MAIORES DE 60 ANOS PARTICIPARON NA XXI EDICIÓN DO PROGRAMA VEN E DESCUBRE

"Ven e Descubre" é un programa dirixido as persoas maiores de 60 anos veciñas do Concello de Oleiros que consiste na realización de rutas encamiñadas ao coñecemento do entorno. O obxectivo da actividade é estimular nos nosos maiores o desexo de afondar no coñecemento do que lles rodea, a través dun proceso educativo e social que favoreza o desenvolvemento persoal e social. O alto interés amosado en todas as visitas e explicacións proporcionadas polo equipo de guías, así como o ambiente de camadarería e compañeirismo que se respira, fai desta actividade un dos programas mellor valorados dentro de todo o conxunto de actividades que se desenvolven dende a concellería de Servizos Sociais do Concello de Oleiros para fomentar un envellecemento activo.

PUBLICADOS LISTAXES DE ACTIVIDADES OCUPACIONAIS E DOS OBRADOIROS DE DISCIPLINA POSITIVA E COMUNICACION NA FAMILIA

Xa poden consultarse nos documentos en pdf ao pé desta noticia os listados de persoas admitidas en todas as actividades ocupacionais que se desenvolven dende o Departamento de Servizos Sociais do Concello de Oleiros (encaixe, fai a túa roupa, pintura...), así como a lista de espera. Recordar que as persoas que teñen praza nas actividades ocupacionais poden pasar a recoller o documento de pago polas dependencias de Servizos Sociais dende hoxe ata o 26 de setembro, data na que remata o período de pagamento. Por outra banda tamén publicamos as listaxes das persoas admitidas nos Obradoiros de Comunicación e xestión emocional no entorno familiar, así como nos Obradoiros de Disciplina Positiva. Sinalar que debido ao elevado número de persoas que solicitaron participar neste último obradoiro, o de disciplina positiva, decidiuse facer un novo grupo para os martes no mesmo horario e no mesmo lugar. Calquera dúbida poden contactar con nós no 981 610 000

Entidades financiadoras
Goberno de España Comunidade Económica Europea Plan Avanza