Concello de Oleiros

Concello de Oleiros

 
Portada » O Concello » Concellería de Servizos Sociais e Igualdade
   

NOVAS

     
« Atrás

As actividades ocupacionais contan con prazas dispoñibles

Oleiros, 26 de decembro de 2018-. Entre o 2 e o 4 de xaneiro estará aberto o prazo para solicitar as prazas vacantes nas distintas actividades ocupacionais organizadas polo Concello de Oleiros. As inscricións poderán realizarse a través da sede electrónica da web municipal, no apartado trámites en liña dentro da carpeta de Cidadáns/Empresas ou ben nas propias oficinas de Servizos Sociais, a partir das 10:00 horas do día 2 de xaneiro ata o 4 de xaneiro ás 12:00 horas.

As prazas ofertadas son as vacantes nos obradoiros de expresión artística e artesanal que se organizan nas casas do pobo das distintas localidades do concello: 9 prazas en encaixe, 3 prazas en artesanía téxtil, 2 en manualidades, 9 en pintura e 3 en acuarela.

As prazas vacantes adxudicaranse por orde de inscrición. A partir do día 7 poderán confirmar a dispoñibilidade da praza. Posteriormente, entre o 8 e o 15 de xaneiro poderán recoller o documento para o pago do prezo público. As actividades iniciaranse esa mesma semana.

Esta segunda parte do curso 2018/2019 abarcará desde xaneiro a maio, e participan case 250 persoas nas 16 actividades distribuídas polas distintas localidades. Este programa ten como obxectivo principal potenciar as relacións entre os veciños e veciñas en actividades grupais, axudando a facer novas amizades e incrementar as relacións sociais, mentres se realiza unha actividade na que se adquiren habilidades manuais nunha determinada técnica artística. Están dirixidas a todas as persoas maiores de 16 anos empadroadas en Oleiros.

PROGRAMACIÓN

As actividades ocupacionais contan con prazas dispoñibles

Oleiros, 26 de decembro de 2018-. Entre o 2 e o 4 de xaneiro estará aberto o prazo para solicitar as prazas vacantes nas distintas actividades ocupacionais organizadas polo Concello de Oleiros. As inscricións poderán realizarse a través da sede electrónica da web municipal, no apartado trámites en liña dentro da carpeta de Cidadáns/Empresas ou ben nas propias oficinas de Servizos Sociais, a partir das 10:00 horas do día 2 de xaneiro ata o 4 de xaneiro ás 12:00 horas.

As prazas ofertadas son as vacantes nos obradoiros de expresión artística e artesanal que se organizan nas casas do pobo das distintas localidades do concello: 9 prazas en encaixe, 3 prazas en artesanía téxtil, 2 en manualidades, 9 en pintura e 3 en acuarela.

As prazas vacantes adxudicaranse por orde de inscrición. A partir do día 7 poderán confirmar a dispoñibilidade da praza. Posteriormente, entre o 8 e o 15 de xaneiro poderán recoller o documento para o pago do prezo público. As actividades iniciaranse esa mesma semana.

Esta segunda parte do curso 2018/2019 abarcará desde xaneiro a maio, e participan case 250 persoas nas 16 actividades distribuídas polas distintas localidades. Este programa ten como obxectivo principal potenciar as relacións entre os veciños e veciñas en actividades grupais, axudando a facer novas amizades e incrementar as relacións sociais, mentres se realiza unha actividade na que se adquiren habilidades manuais nunha determinada técnica artística. Están dirixidas a todas as persoas maiores de 16 anos empadroadas en Oleiros.

PROGRAMACIÓN

Entidades financiadoras
Goberno de España Comunidade Económica Europea Plan Avanza