O pleno do Concello de Oleiros aprobou na sesión celebrada o 31 de maio unha moción presentada polo Goberno municipal de Alternativa dos Veciños contra o proxecto de reapertura da explotación mineira de cobre San Rafael SL, situada nos municipios de Touro e O Pino. O Concello de Oleiros insta a Xunta de Galicia á emisión dos correspondentes informes negativos para impedir as graves consecuencias ambientais, sanitarias, económicas e sociais que se derivarían desta explotación.

Este domingo están convocadas concentracións en toda España para defender o dereito a unha pensión digna. O Goberno municipal sumarase ás mobilizacións convocadas polos sindicatos CCOO e UGT e anima a toda a cidadanía da comarca a participar na concentración da Coruña, que terá lugar no Obelisco ás 12:00 horas.

O Concello de Oleiros sumouse a unha iniciativa da Coordinadora Anti-Privatización da Sanidade Pública, con accións en diversas cidades europeas, para enviar un claro e contundente mensaxe ás institucións e aos estados membros da UE de que a sanidade non se vende. A fachada principal da Casa do Concello luce unha gran pancarta polo día europeo contra a mercantilización da saúde.

O pleno do Concello de Oleiros acordou na última sesión celebrada o 28 de xaneiro manifestar o seu apoio aos oito sindicalistas de AIRBUS que van ser xulgados nos vindeiros días por exercer o seu lexítimo dereito á folga.