Concello de Oleiros

Concello de Oleiros

Cooperación  
Portada » O Concello » Concellería de Participación Cidadá, Cooperación e Recursos Humanos » Cooperación » Proxectos

Proxectos actuais

O Concello de Oleiros está a colaborar na actualidade en sete importantes proxectos de cooperación internacional que levan a cabo entidades de distinto perfil pero cun denominador común, a súa longuísima e contrastada traxectoria no mundo da cooperación. Colectivos como Solidariedade Galega co Pobo Saharauí, co que o Concello participa no programa de Vacaciones en Paz, o Club de Leones da Coruña, co que o Concello pon en marcha unha escola de oficios, ou as Hermanas Mercedarias Misioneras de Bérriz, ás que se está a axudar a ampliar a súa Casa de Paz en Filipinas, son unha mostra disto.
   
Nestes momentos, o Concello traballa co programa de asistencia sanitaria especializada, de consulta e formativa nos municipios de Murra, Wiwili de Nueva Segovia e Ocotal, en Nicaragua. Esta importantísima iniciativa,que está sendo levada a cabo por Solidariedade Galega, achega a sanidade a unha das zonas máis desfavorecidas de América latina. Tamén no ámbito sanitario se está a traballar coa Asociación Sociocultural Atamán para achegar a sanidade básica ás zonas do terceiro mundo, onde traballa.

No ámbito educativo Oleiros colabora na reparación e no acondicionamento internado de primaria Abel Santamaría Cuadrado, en Cuba, que leva a cabo a asociación coruñesa Rolando Beltrán Hurtado. A través desta iniciativa axúdase ao acondicionamento de dormitorios, baños e da enfermería deste centro educativo. Ademais, contribúese a comprar vestimenta para os nenos e as nenas internas. Tamén no ámbito educativo pero noutra zona do mundo, neste caso en África, o Goberno local contribúe á cobertura de necesidades educativas básicas de nenas e mozas masai rescatadas da mutilación xenital e dos matrimonios tempranos forzosos, dentro do traballo que leva a cabo o colectivo Mundo Cooperante.
 

   

Proxectos

     
« Atrás

Oleiros realizou esta mañá o envío de máis de 550 quilos de material sanitario con destino á fr

 Oleiros, 19 de setembro de 2014-. O Concello de Oleiros realizou a primeira hora desta mañá o envío de máis de 550 quilos de material sanitario con destino á franxa de Gaza. Os medicamentos recollidos nas farmacias do municipio ao longo das pasadas semanas dentro da campaña nacional organizada pola Asociación Médica Hispano Palestina viaxan rumbo á Embaixada de Palestina en Madrid, desde onde partirán rumbo a Gaza nun convoi colectivo que inclúe material recollido noutras zonas do país.

 
En total os veciños e veciñas de Oleiros contribuíron en asistir a crise humanitaria que sofre o pobo palestino con máis de 550 quilos de analxésicos, antiinflamatorios, tranquilizantes, antibióticos ou pomadas para queimaduras entre outros medicamentos de vital importancia nos territorios palestinos nestes momentos. Ademais recolleuse numeroso material funxible, dentro do cal se inclúen útiles como vendas, gasas, muletas, sondas, vías, guantes, máscaras ou unha bomba para alimentación parenteral.
 
O Goberno local quere agradecer o compromiso mostrado polos veciños e veciñas do municipio, así como agradecer ás farmacias do Concello a súa importante participación neste proceso. Así mesmo, a institución municipal quere mostrar o seu recoñecemento aos voluntarios que traballaron na difícil tarefa de clasificar e inventar todo o material.
 
Entidades financiadoras
Goberno de España Comunidade Económica Europea Plan Avanza