Concello de Oleiros

Concello de Oleiros

Cooperación  
Portada » O Concello » Concellería de Participación Cidadá, Cooperación e Recursos Humanos » Cooperación » Proxectos

Proxectos actuais

O Concello de Oleiros está a colaborar na actualidade en sete importantes proxectos de cooperación internacional que levan a cabo entidades de distinto perfil pero cun denominador común, a súa longuísima e contrastada traxectoria no mundo da cooperación. Colectivos como Solidariedade Galega co Pobo Saharauí, co que o Concello participa no programa de Vacaciones en Paz, o Club de Leones da Coruña, co que o Concello pon en marcha unha escola de oficios, ou as Hermanas Mercedarias Misioneras de Bérriz, ás que se está a axudar a ampliar a súa Casa de Paz en Filipinas, son unha mostra disto.
   
Nestes momentos, o Concello traballa co programa de asistencia sanitaria especializada, de consulta e formativa nos municipios de Murra, Wiwili de Nueva Segovia e Ocotal, en Nicaragua. Esta importantísima iniciativa,que está sendo levada a cabo por Solidariedade Galega, achega a sanidade a unha das zonas máis desfavorecidas de América latina. Tamén no ámbito sanitario se está a traballar coa Asociación Sociocultural Atamán para achegar a sanidade básica ás zonas do terceiro mundo, onde traballa.

No ámbito educativo Oleiros colabora na reparación e no acondicionamento internado de primaria Abel Santamaría Cuadrado, en Cuba, que leva a cabo a asociación coruñesa Rolando Beltrán Hurtado. A través desta iniciativa axúdase ao acondicionamento de dormitorios, baños e da enfermería deste centro educativo. Ademais, contribúese a comprar vestimenta para os nenos e as nenas internas. Tamén no ámbito educativo pero noutra zona do mundo, neste caso en África, o Goberno local contribúe á cobertura de necesidades educativas básicas de nenas e mozas masai rescatadas da mutilación xenital e dos matrimonios tempranos forzosos, dentro do traballo que leva a cabo o colectivo Mundo Cooperante.
 

   

Proxectos

     
« Atrás

Oleiros presta o seu apoio institucional á ILP sobre a proposición de lei de regulación da daci

Oleiros, 14 de maio de 2012-. O Concello de Oleiros presenta o seu apoio á iniciativa lexislativa popular que quere levar ao Congreso dos Deputados unha modificación da lei hipotecaria na que se contemple a dación en pagamento, a paralización de desafiuzamentos e o aluguer social. Para iso é necesario recoller máis de 500.000 sinaturas antes do 31 de outubro de 2012 en todo o territorio nacional.

O Concello dispón dun prego de recollida de sinaturas que se atopa no complexo cultural da Fábrica, en Perillo, onde os veciños e veciñas que o desexen poden presentar o seu apoio a esta iniciativa. Ademais, nos próximos días estes pregos estarán a disposición dos veciños e veciñas en todos os centros cívicos e casas do pobo do municipio.


Apoio á casa de fins sociais
Así mesmo, o Concello presta o seu apoio á campaña impulsada pola Rede Galega contra a pobreza a través da que anima a marcar a casa de fins sociais na declaración da renda. Cada ano a Administración permite á cidadanía elixir o destino dunha parte dos seus impostos marcando a casa de fins sociais na declaración da renda, o que permite destinar un 0,7% dos impostos a programas sociais que realizan as ONG.

Marcar esta casa beneficia aos colectivos máis desfavorecidos e castigados pola crise sen ningún custo económico para a persoa que a marca. En 2011, máis de 5 millóns e medio de persoas se beneficiaron de programas financiados grazas á X Solidaria en toda España. Algúns dos colectivos beneficiarios foron persoas maiores, demandantes de emprego, programas para a inclusión social, persoas enfermas de cáncer, mulleres, infancia e familia, xuventude, persoas con discapacidade, poboación rural, VIH-SIDA, cooperación ao desenvolvemento, etcétera.
 

Entidades financiadoras
Goberno de España Comunidade Económica Europea Plan Avanza