Concello de Oleiros

Concello de Oleiros

Cooperación  
Portada » O Concello » Concellería de Participación Cidadá, Cooperación e Recursos Humanos » Cooperación » Contidos
   

CONTIDOS

     
« Atrás

A relixiosa Rebeca Cervantes ofrece unha conferencia no Castelo de Santa Cruz sobre cooperación internacional

O vindeiro venres 29 de xuño, ás 20:00 horas, Rebeca Cervantes falará no salón de actos do Castelo de Santa Cruz sobre as súas vivencias, a solidariedade e a cooperación internacional. Esta relixiosa, misioneira mercedaria de Bérriz, percorreu os cinco continentes axudando as persoas máis necesitadas, atravesando situacións do máis adversas tales como conflitos bélicos ou graves catástrofes naturais.

O pleno municipal aproba unha moción en apoio a ONG Proemaid

O pleno municipal do Concello de Oleiros do mes de abril aprobou a moción presentada polo Goberno municipal para apoiar aos integrantes da ONG Proemaid que van ser xulgados en Grecia por realizar labores de rescate ás persoas refuxiadas que atravesan o mar Mediterráneo. Manuel Blanco, Julio Latorre e Enrique Rodríguez acudiron á illa grega de Lesbos para realizar actividades de rescate e salvamento e están acusados dun suposto delito de tráfico de persoas en grao de tentativa e de posesión de armas.

A mostra de carteis Che 50 anos estará dispoñible ata o 7 de xaneiro

O pasado sábado inaugurouse no Castelo de Santa Cruz a mostra Che 50 anos que recolle numerosos carteis e algunhas publicacións relacionadas con Ernesto Che Guevara. Moitos dos elementos da exposición son inéditos e foron recollidos ao longo dos anos nas viaxes realizadas polo Concello de Oleiros a Cuba.

Aniversario da Declaración Universal dos Dereitos Humanos

O 10 de decembro de 2018 cumpre 70 anos un dos textos máis importantes da historia: a Declaración Universal dos Dereitos Humanos. Un documento que, co seu primeiro artigo, xa nos tería que facer reflexionar sobre o camiño que está a tomar a nosa sociedade: "Todos os seres humanos nacen libres e iguais en dignidade, en dereitos e, dotados como están de razón e conciencia, deben comportarse fraternalmente os uns cos outros".

Oleiros acolle unhas xornadas de solidariedade cos pescadores de Palestina

Dentro da campaña internacional de Solidariedade coa Flota Pesqueira de Gaza, o Concello de Oleiros acolle o venres e o sábado unha serie de actos dirixidos a amosar a solidariedade e o apoio aos pescadores palestinos que están a sufrir continuos ataques inxustificados por parte do exército de Israel. A pesca é o recurso máis importante da poboación de Gaza e os seus pescadores están sendo tiroteados, incautadas as súas embarcacións tras recibir un trato inhumano polos militares israelís, ante a pasividade da comunidade internacional.

Entidades financiadoras
Goberno de España Comunidade Económica Europea Plan Avanza