Creada no ano 1985, actualmente está situada na planta baixa dun edificio construído no século XVII, denominado tradicionalmente Pazo de Coruxo ou Torres de Coruxo, restaurado no ano 1992 e ampliado no ano 2007.

Está rodeada dun frondoso xardín, de gran biodiversidade, no que destaca un senlleiro e fermoso ombú (Phytolacca dioica).

Debido a que está instalada nun Centro Cultural tamén usa diversos espazos deste centro, como o Teatro Municipal “As Torres” e a sala para actividades.

A orixe do Centro de Documentación da Muller está no esforzo das mulleres que formaban parte da Asociación de Veciños Santaia e da Comisión de Festas dos anos 1983-1988 de Santa Cruz.