Programa xuvenil de acondicionamento físico

Enlace preinscrición (aberta todo o ano)

 Desde o Concello de Oleiros, somos coñecedores das limitacións que ten a mocidade para acceder á práctica regular  de actividade física organizada fóra do eido federativo e competitivo. Con esta motivación nace o Programa xuvenil de actividade física para a saúde e  que está composto polas seguintes actividades dirixidas: 

Programa base:

CARDIO:  Actividade  cardiovascular orientada á mellora da resistencia aeróbica a través de actividades como o bike indoor, Bodybox ou Step. 

ZUMBA: Actividade aeróbica coregrafiada que usa como base musical ritmos latinoamericanos. 

BODY BOX: Actividade cardiovascular que mestura exercicio físico con artes marciais e movementos a base de puños e patadas. 

ADESTRAMENTO en SUSPENSIÓN: Acondicionamento físico en base ao traballo da forza e resistencia muscular, utilizando exercicios de autocarga en suspensión (TRX). 

CROSS GYM: Sistema de adestramento  que  mellora  todas as calidades físicas básicas (forza, resistencia cardiovascular, velocidade, flexibilidade, potencia, resistencia á forza, equilibrio, coordinación, etc.).¿É un sistema baseado en levantamentos de cargas,  exercicios ximnásticos e acondicionamento cardiovascular. 

Programa avanzado:

FITNESS XUVENIL:  Programa de iniciación ao adestramento en sala fitness dirixido exclusivamente a rapaces e rapazas entre 14 e 16 anos.  Poderán acceder a el os rapaces e rapazas que teñan unhas destrezas e nivel físico básico suficiente a xuízo das persoas responsables do programa. O programa  estrutúrase en 3 partes. 

-           Primeira fase: Consta dunha entrevista persoal de 30 minutos (outubro) onde se formularán os obxectivos da actividade e se deseñará un plan de traballo. 

-           Segunda fase (tutelada): Terá unha duración de tres meses (novembro, decembro  e xaneiro), nos seguintes centros e horarios:

De 16:30 a 17:30 nos centros deportivos de:

Dorneda: martes, xoves  e venres

Oleiros: luns e mércores 

-           Terceira fase: A partir dos 3 meses de tutelaxe poderán comezar a utilizar a sala fitness de xeito autónomo. Os horarios indicados para iso serán de luns a venres, entre as 15:30 e as 18:30 h. 

Temporalización:

Do 1 outubro de 2021  ao 31 de maio de  2022 (inscrición aberta todo o ano).  

 Obxectivos  

Programa base:

- Dar resposta á demanda de actividades de acondicionamento físico en idade xuvenil.

- Xerar unha dinámica de actividade física para consolidar hábitos deportivos especialmente en mulleres de entre 12 e 18 anos.

- Evitar o abandono da práctica deportiva na etapa adolescente.

- Crear alternativas de práctica deportiva fóra do campo do deporte de competición e deporte federado.

- Establecer ambientes de socialización ao redor da actividade física.

Programa avanzado:

- Iniciar a/o usuaria/o do programa na utilización dos aparellos da sala fitness.

- Explicar a normativa de uso da sala fitness buscando a autonomía futura nesta.

- Aprender as distintas partes do adestramento deportivo (quecemento, parte principal e volta á calma).

- Acadar un acondicionamento xeral por medio deste traballo.

 DESTINATARIAS/OS

Poboación xuvenil entre 2009/04 (agás o programa avanzado 2007/06). 

DISTRIBUCIÓN DAS SESIÓNS

COMPLEXO DEPORTIVO DE OLEIROS

COMPLEXO DEPORTIVO DE PERILLO

COMPLEXO DEPORTIVO DE DORNEDA

Folleto informativo